2-10 qazan aralyǵynda Norvegııanyń bas shahary – Osloda shymyldyǵy túriletin álem chempıonatynda Qazaqstannyń grek-rım kúresi sheberleri qandaı quramda kúsh synasatyny belgili boldy, dep habarlaıdy Egemen.kz.
Skandınavııa túbeginde «klassıkter» salmaq dárejesi boıynsha túrli tústi júldelerdi sarapqa salady. Boz kilemge shyǵatyn bizdiń balýandarymyzdyń barlyǵynyń da esimi qalyń kórermenge jaqsy tanys.
Máselen, 67 kılo salmaqta kúrestin Almat Kebisbaev álem chempıonatynda tórt ret jeńis tuǵyryna kóterilgen. Qandasymyzdyń enshisinde bir kúmis jáne úsh qola medal bar. Almatqa endi tek altyn ǵana jetpeı tur. Sol maqsatyna ol Osloda qol jetkizedi dep úmittenemiz.
60 kılo salmaqtaǵy Aıdos Sultanǵalı 2018 jyly Býdapeshte qola júldeni qorjynǵa salsa, 55 kılo salmaqtaǵy Qorlan Jaqansha osydan eki jyl buryn Nur-Sultanda uıymdastyrylǵan jarysta kúmispen kúpteldi.
Al Sultan Ásetuly (63 kılo), Maqsat Erejepov (82 kılo), Nursultan Tursynov (87 kılo) jáne Erulan Ysqaqovtyń (97 kılo) Azııa chempıony degen ataqtary bar.
Sondaı-aq, biraz jyldan beri ulttyq komandamyzdyń sapynda óner kórsetip júrgen Qaharman Qısmetov (72 kılo), Temirlan Shadýkaev (77 kılo) jáne Álimhan Syzdyqov (130 kılo) syndy saıypqyrandar da kóptegen baıraqty básekelerde top jarǵan.