QazVac vaksınamyz syn tezinen laıyqty ótti. Bul týraly Dýshanbedegi Shanhaı yntymaqtastyq uıymyna múshe memleketter basshylary keńesiniń otyrysynda Qazaqstan Prezıdenti Qasym-Jomart Toqaev málim etti, dep habarlaıdy Egemen.kz.
«Koronavırýspen kúres bizdiń kúntártbimizdegi ózekti taqyryptardyń biri bolyp qalyp otyr.
Pandemııanyń eń qıyn kezeńinde ShYU boıynsha áriptester shyndyǵynda yntymaqtastyqtyń «Shanhaı rýhyn» tanytqanyn zor qýanyshpen atap ótemin. Osy rette ózara gýmanıtarlyq kómek kórsetildi. Pandemııaǵa qarsy is-qımylda batyl betburys halyqty jappaı ımmýndaýǵa úılestirilgen qadam jaǵdaıynda ǵana múmkin bolady», dep toqtaldy Qazaqstan Prezıdenti.
Osy oraıda Memleket basshysy kómekke muqtaj taraptardy eleýsiz qaldyrýǵa bolmaıtynyn qadap aıtty. Bul turǵyda Qazaqstannyń salmaqty usynystary bar.
«QazVac vaksınamyz syn tezinen laıyqty ótti. Klınıkalyq synaqtar onyń tıimdiligin dáleldedi. Biz preparatty gýmanıtarlyq kómek retinde kórshiles elderge jetkize bastadyq», dedi Q. Toqaev.