Mańǵystaý oblysynyń ákimdigi men «Olja Agro» JShS-gi arasynda mal azyǵyn tegin jetkizý boıynsha memorandýmǵa qol qoıyldy, dep habarlaıdy Egemen.kz.
Mańǵystaý oblysynda qýańshylyqtan qınalǵan sharýalarǵa kómek berý sharalary jalǵasýda. Oblys ákimdigimen kelisim aıasynda «Olja Agro» JShS Mańǵystaý oblysyna qurǵaqshylyqtan zardap shekken mal ıelerine kómek retinde jalpy quny 32 mıllıon teńge bolatyn 250 tonna shóp jáne 180 tonna jem jetkizedi.
Sonymen qatar qol qoıylǵan memorandým aıasynda «Olja Agro» JShS óńirge mal azyǵyn naryqtaǵydan tómen baǵamen jetkizetin bolady.
Oblys ákimi Nurlan Noǵaev turǵyndar arasynda jem-shópti jetkizý men bólýdiń ashyq tetigin uıymdastyrý jóninde birqatar naqty tapsyrmalar berdi.