Reseıde KVI-ge qarsy «KovıVak» vaksınasyn shyǵarý preparattyń shıkizat óndirisin jańartý úshin birneshe aıǵa toqtatyldy. Onyń jappaı shyǵarylýy kúzdiń sońyna deıin keıinge qaldyryldy, dep habarlaıdy Egemen.kz.
DSM Group bas dırektory Sergeı Shýlıak M.P. Chýmakov atyndaǵy ımmýnobıologııalyq preparattardy zertteý jáne damytý ǵylymı ortalyǵy qazir vaksına óndirisin keńeıtý úshin jańa jabdyq ornatyp jatqanyn aıtty, sebebi qolda bar tájirıbelik-ónerkásiptik qýattar ortalyqqa shıkizattyń úlken kólemin óndirýge tolyq múmkindik bermeıdi.
«KovıVaktyń» óndirisin jańǵyrtý eki aıǵa sozylady dep boljanady. Basqa nusqaǵa sáıkes, Chývakov atyndaǵy ortalyq ony eksportqa daıyndaý úshin shıkizat shyǵarýdy toqtatty. Alaıda, saýalnamaǵa qatysqan sarapshylar vaksınany jetkizý kólemi 2021 jyly 1,5 mıllıon dozadan asatynyna kúmán keltiredi.
«Bul vaksınaǵa suranys paradoksaldy túrde joǵary boldy», dep atap ótti RNC Pharma damý jónindegi dırektory Nıkolaı Bespalov.
Mamannyń aıtýynsha, preparat belsendi emes vırýsy bar klassıkalyq platformada jasalǵanymen tanymal boldy.