QR Bilim jáne ǵylym mınıstri Ashat Aımaǵambetov Qostanaı oblysyndaǵy kolledjder men joǵary oqý oryndaryna bardy, dep jazady Egemen.kz.
BǴM mınıstri Qostanaı qalasyna jumys sapary barysynda óńirdegi kolledjder men joǵary oqý oryndaryn da aralady. Bul týraly mınıstr óziniń Facebook paraqshasynda jazdy.
«Qostanaı polıtehnıkalyq kolledjiniń tehnıkalyq jabdyqtalýyn tekserip, oqý prosesimen tanystym. Dırektordyń aıtýynsha, bilim ordasynda 1200-den astam stýdent oqıdy. Olardyń arasynda bolashaq elektromehanıkter, elektr montajshylar, naýbaıshylar, kondıterler, astyq óńdeý ónerkásibiniń mamandary jáne taǵy basqalar bar. Stýdenttiń sapaly praktıkalyq daǵdylardy meńgerýi úshin qajetti qural-jabdyqtar Fransııa, Germanııa, AQSh, Belarýs jáne Italııadan satyp alynǵan», dep jazdy mınıstr.
Mınıstr stýdenttermen áńgimelesip, oqý úrdisimen tanysty. Nan pisirý jáne kondıterlik baǵyttar boıynsha oqyp jatqan stýdentterdiń jumysyn kórip, jaqyndazańnamalyq túzetýler engizilgenin, endi kolledjde daıyndalatyn ónimdi satýǵa bolatynyn jetkizdi.
«Bul balalardyń oqýǵa jáne odan ári biliktiligin jetildirýge degen qyzyǵýshylyǵyn arttyrady dep sanaımyn», dedi Aımaǵambetov.
Stýdentter oqý prosesi qalaı ótip jatqany týraly aıtyp, josparlarymen bólisti. Oqytýshylar da bilim berý uıymynyń jetistikteri týraly baıandap, stýdentteri WorldSkills chempıonatynda 2 medal jeńip alǵanyn aıtty. Kolledjde bilim berýdi odan ári damytý týraly máseleler men usynystar talqylandy.
Sondaı-aq mınıstr Ahmet Baıtursynov atyndaǵy Qostanaı óńirlik ýnıversıtetine bardy.
«Bul ýnıversıtet stýdentterge praktıkalyq bilim berý barysynda durys baǵyt alǵanyn atap ótkim keledi. Ýnıversıtetke kireberiste turǵan tehnıka — kamaz kóligi birden kózge túsedi. О́zderińiz biletindeı, Qostanaı oblysynyń ındýstrııalyq aımaǵynda eki jańa «KamAZ» zaýyty salynyp jatyr. Búginde joǵary oqý ornynda mashına jasaý mamandyǵyn ıgerip jatqan stýdentter tájirıbeden ótip, ári qaraı osy kásiporyndarda jumysqa ornalasýy úshin kelissózder júrgizilip jatyr. Sonymen qatar osy jazda A. Baıtursynov atyndaǵy Qostanaı óńirlik ýnıversıtetiniń 30 stýdenti eki aı kóleminde Reseıdegi «KAMAZ» jetekshi kásipornynda óndiristik praktıkadan ótti. Bul A. Baıtursynov atyndaǵy Qostanaı óńirlik ýnıversıteti men Qazan federaldyq ýnıversıtetiniń (QFÝ) Naberejnye Chelny ınstıtýty arasyndaǵy memorandýmnyń nátıjesinde múmkin boldy», deıdi Bas ustaz.
Sonymen birge jumys berýshiler joǵary oqý ornyna kelip, dáris oqıdy. Bul tájirıbe belgili bir mamandyq boıynsha tereńdetip oqytý úshin engizilgen. Olardyń arasynda «Agromashholdıng» ónerkásiptik kásipornynyń jáne qus fabrıkalarynyń ókilderi, tamaq ónerkásibiniń óndirýshileri bar.
«Sóz kezeginde Qostanaıdaǵy zaýyttardyń biriniń basshysy qyzmetkerlerdiń úshten bir bóligi osy A. Baıtursynov atyndaǵy Qostanaı óńirlik ýnıversıtetiniń túlekteri ekenin atap ótti. Sondaı-aq oqý aýdıtorııalarymen jáne JOO zerthanalarynyń jumysymen tanystym», dep jazady mınıstr.