Nur-Sultandaǵy Qajymuqan Muńaıtpasov atyndaǵy ortalyq stadıon apattyq jaǵdaıda dep tanyldy. Ǵımarat pen trıbýna tolyq qıratylyp, ornyna jańa keshen salynady. Bul aqparatty qalalyq ákimdiktiń baspasóz qyzmeti rastady, dep habarlaıdy Egemen.kz.
Bıyl stadıonnyń salynǵanyna 85 jyl. Sport kesheni 1936 jyly ashylǵan. Buǵan deıin ataýy segiz ret aýysyp, 1986 jyly Muńaıtpasov esimi berilgen. Stadıonǵa 12 250 kórermen sııady.
Nur-Sultannyń ákimdik ókilderiniń málimetinshe, 2020 jyly maýsymda stadıon apattyq jaǵdaıda dep tanylǵan. «Muńaıtpasov atyndaǵy ortalyq stadıon apatty dep tanylǵandyqtan, búginde jobalaý-izdestirý jumystary júrgizilip jatyr. Sport kesheni eskızdik jobany ázirleý satysynda», dedi ákimdik baspasóz qyzmetiniń ókilderi.Ákimdik ókilderi bul jaı jóndeý jumysy nemese rekonstrýksııa emes ekenin aıtady. Ǵımarat pen trıbýna tolyǵymen buzylyp, ornyna jańa stadıon salynady.