Qostanaı oblysynyń ákimi Arhımed Muhambetov salynyp jatqan nysanǵa bardy. Bul týraly ol óziniń Instagram paraqshasynda habarlady, dep jazady Egemen.kz.
Qostanaı aýdanynda qýaty 50 MVt «Ybyraı» jel elektr stansııasy salynýda.
«Jobany iske asyrý quny 26,3 mlrd teńgeni quraıdy, qurylys jeke ınvestısııalar esebinen júzege asyrylýda. Búgingi tańda 16 jel elektr qondyrǵysynyń 12-si ornatylǵan, olardyń árqaısysynyń qýattylyǵy 3,2 MVt. 35/110 kV kóterýshi qosalqy stansııa, 110 kV jeli, 35 kV jeli montajdalǵan jelenergoqondyrǵylar men ákimshilik-turǵyn aımaqqa deıin salyndy», dep habarlady Arhımed Muhambetov.
О́ńir basshysy QHR-dan jel qondyrǵylarynyń jabdyqtaryn jetkizý qalpyna keltirilgenin, qalǵan jel dıirmenderi men elektr berý jelilerin montajdaý júrgizilip jatqanyn aıtty.
Synaq aıasynda 17 tamyzda bes jel elektr qondyrǵysyn alǵashqy iske qosý júrgizildi (osy bes qondyrǵymen óndiriletin elektr energııasy «KEGOS» AQ jelisine túsedi). Qazirgi ýaqytta iske qosý-jóndeý jumystary jalǵasýda.