Elordada salynyp jatqan Abu Dhabi Plaza ǵımaratynyń qurylysy 97 paıyzǵa aıaqtaldy. Bul týraly Nur-Sultan qalasy Investısııalar jáne kásipkerlikti damytý basqarmasy málim etti, dep habarlaıdy Egemen.kz.
«Nur-Sultan qalasy Investısııalar jáne kásipkerlikti damytý basqarmasy «Abu Dhabi Plaza» nysanynda qazir qurylys-montajdaý jumysy kestege sáıkes júrgizilip jatqanyn habarlaıdy. Oryndalǵan jumystyń jalpy kólemi – 97%-dan asady. 2021 jyldyń sońyna deıin syrtqy jumystardy tolyǵymen aıaqtaý josparlanyp otyr. Aıta ketý kerek, ǵımarat ishinde árleý jumystary ary qaraı da jalǵasa beredi», delingen Nur-Sultan qalasy ákimdiginiń baspasóz qyzmeti usynǵan aqparatta.
Aıta keteıik, «Abu Dhabi Plaza» – Orta Azııadaǵy eń iri keshenderdiń biri. Ol jalpy aýmaǵy 500 myń sharshy metrden asatyn bes ǵımarattan quralǵan.