Premer-mınıstr Asqar Mamın koronavırýsqa qarsy Pfizer/BioNTech vaksınasyn saldyratyn azamattardyń tizimi keńeıtilýi múmkin ekenin málimdedi, dep habarlaıdy Egemen.kz.
«Biz túrli joldaryn qarastyryp jatyrmyz. Qazir MAB aıasynda sheshim ázirlenip jatyr, múmkin, biz ony osy aptada jarııalaımyz. Basqa sanattaǵy azamattar osy vaksınany alýy nemese qaıta saldyrýy múmkin», dedi Asqar Mamın BAQ ókilderimen kezdesýde.
Eske salaıyq, Qazaqstanda Pfizer vaksınasyn tek júkti, bala emizetin jáne 18 jasqa deıingi balalarǵa salý josparlanǵan bolatyn.