Saýda jáne ıntegrasııa mınıstrliginde Memleket basshysynyń tapsyrmalaryn iske asyrý aıasynda qabyldanatyn jedel jáne júıeli sharalar týraly aıtyldy, dep habarlaıdy Egemen.kz.
Azyq-túlik ınflıasııasyn tejeý jáne áleýmettik mańyzy bar azyq-túlik taýarlarynyń baǵalaryn memlekettik retteý sharalaryn kúsheıtý sheńberinde jergilikti atqarýshy organdarmen birlesip, azyq-túlik taýarlarynyń negizgi túrleriniń naqty jáne baǵalyq qoljetimdiligin qamtamasyz etý boıynsha sharalar qabyldanýda.
Aýyl sharýashylyǵy mınıstrligimen birlesip, taýarlardy óndirý, tutyný jáne qaıta bólý teńgerimderiniń tolyq monıtorıngi qamtamasyz etiletin bolady.
Sondaı-aq, Ortalyq Azııa elderimen ózara is-qımyl sheńberinde azyq-túlik taýarlarynyń ımporttyq jetkizilimderin tartý boıynsha sharalar qabyldanýda. Qajet bolǵan jaǵdaıda eksporttyq shekteý jónindegi sharalar ýaqtyly qabyldanatyn bolady. Mal men kókónis eksportyna tyıym salyndy. Kásipkerlik kodekste shekti jáne shekti baǵalardy qoldaný quraldary kózdelgen.
Saýda Komıtetiniń qyzmetin fýnksıonaldyq kúsheıtýge baılanysty shuǵyl zańnamalyq bastamalar daıyndalatyn bolady. Úkimettiń ekonomıkalyq saıasaty, eń aldymen, halyqtyń ál-aýqatyn jaqsartýǵa jáne ómir súrý sapasyn arttyrýǵa baǵyttalatyn bolady.
Budan bylaı bıýdjet jáne fıskaldyq saıasat teńdestirilgen jáne ashyq bolady. Salyqtyq-kedendik ákimshilendirýdiń batyl sharalary qosymsha tabys kózderin qamtamasyz etedi. Jeke sektordy ekonomıkalyq ósý draıveri retinde damytý maqsatynda básekelestikti damytý arqyly shaǵyn jáne orta bıznesti kúsheıtýge basa nazar aýdarylatyn bolady. Shaǵyn kásiporyndarǵa memlekettik qoldaý sharalarynyń tıimdiligi men ashyqtyǵy arttyrylatyn bolady. Jekeshelendirý jáne básekeles ortaǵa berý arqyly memlekettiń ekonomıkadaǵy úlesi qysqartylyp, memlekettik aktıvterdi basqarý tásilderi qaıta qaralady.