Mańǵystaý oblysynyń qoǵamdyq kommýnıkasııa ortalyǵynda ótken brıfıng barysynda oblystyq densaýlyq saqtaý basqarmasy basshysynyń orynbasary Asqar Saǵymbaev óńirde qansha adam revaksınasııadan ótkenin aıtty, dep habarlaıdy Egemen.kz.
Onyń aıtýynsha revaksınasııadan ótken turǵyndardyń basym bóligi medısına salasynyń qyzmetkerleri men áskerıler.
- Oblysta 21 emhanada revaksınasııa jumystary júrgizilip jatyr. Qazir qoldanysta reseılik «Sputnik V»; «QazVac»; «Sınovak verosell»; «CoronaVac»; «Pfizer» vaksınalary bar. Jalpy ekpeniń I – komponentimen 205 516, II – komponentimen 183 094 adam egildi, - dedi Mańǵystaý densaýlyq saqtaý basqarmasy basshysynyń orynbasary Asqar Saǵymbaev.
Qazirgi tańda Mańǵystaý oblysynda epıdemıologııalyq ahýal nashar. Sońǵy táýlikte aımaqta 134 adamnan koronavırýs ınfeksııasy anyqtaldy.