Kezinde Qazaqstan jastar quramasynda oınaǵan Aqtóbe fýtbolynyń túlegi Dıdar Jalmuqan aldaǵy maýsymdy birinshi lıgada ótkizedi, dep habarlaıdy Egemen.kz Meta-ratings.kz-ke silteme jasap.
Sońǵy derekterge sensek, fýtbolshy qyzylordalyq «Qaısar» fýtbol klýbymen kelisimshart jasasyp úlgergen. Búginde «Qaısar» fýtbolshylary Shymkent qalasynda oqý-jattyǵý jıynyn ótkizip jatyr. Qatarǵa Dıdar da qosylǵan. Ol ótken maýsymda «Aqtóbe» fýtbol klýbynyń namysyn qorǵaǵan edi. Sondaı-aq fýtbolshy «Astana», «Tobyl», «Atyraý» komandalarynda da oınaǵan.