Aqtóbedegi Álııa Moldaǵulova atyndaǵy halyqaralyq áýejaı 28 naýryzdan bastap qaıta ashyldy. Qazaqstannyń avıasııalyq ákimshiligi osyndaı sheshim qabyldady, dep habarlaıdy Egemen.kz áýejaıdyń instagram-daǵy resmı paraqshasyna silteme jasap.
Bıletterdi aıyrbastaý, qaıtarý, ushý ýaqytyn aýystyrý máseleleri boıynsha bılet satyp alǵan jerge habarlasý keregi aıtyldy.
Sondaı-aq Aqtóbe áýejaıynda bıyl jańa baǵyttar ashylatyny, odan ári damıtyny belgili boldy.Eske salaıyq, áýejaıdyń ushý-qoný jolaǵy jóndeýdi qajet etken edi. Tekserý barysynda áýeaılaq plıtalarynyń búlingeni, synǵany anyqtalǵan.
Jóndeý jumystary 17-27 naýryz aralyǵynda júrgizildi.