Bul týraly búgin Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy Egemen.kz.
Mınıstrdiń aıtýynsha, Memleket basshysynyń Joldaýyn iske asyrý jónindegi jalpyulttyq is-sharalar josparynyń «Jergilikti ózin-ózi basqarýdy ortalyqsyzdandyrý» baǵytynda 2 is-shara iske asyrylady.
«Jergilikti ózin-ózi basqarýdy damytý tujyrymdamasy aıasynda mınıstrlik «Qazaqstan Respýblıkasyndaǵy jergilikti ózin-ózi basqarý týraly» zań jáne oǵan ilespe zań jobalaryn ázirleýde. Zań jobalary jergilikti memlekettik basqarý organdary men jergilikti ózin-ózi basqarý fýnksııalarynyń arajigin ajyratý, jergilikti ózin-ózi basqarý organdarynyń múliktik quqyqtaryn jáne máslıhattar ókilettikterin keńeıtý; jergilikti ózin-ózi basqarý deńgeıinde memlekettik satyp alýdy ótkizý rásimderin ońaılatý jónindegi normalardy kózdeıdi», dedi Álibek Qýantyrov.