28 naýryzda fýtbol úıinde OLIMPBET Qazaqstan Chempıonatynda qyzmet etetin tóreshilerdiń keńesi ótti, dep habarlaıdy Egemen.kz federasııaǵa silteme jasap.
Otyrysqa Qazaqstan fýtbol federasııasynyń prezıdenti Ádilet Barmenqulov ta qatysty.
Ádil qazylarǵa QFF-nyń tóreshilik jáne ınspektorlyq departamentiniń jańa basshysy – Aleksandr Peremıtın tanystyryldy. Jańa basshyǵa tóreshilik korpýstyń jetekshisi Hýan Antonıo Marınmen birlesip, osy salada damý úshin qyzmet sapasy men jas qazylardyń daıyndyǵyn jaqsartý jóninde aldaǵy ýaqytqa jospar qurý júkteldi.
Komıtettiń burynǵy basshysy Rýslan Dúzmambetov VAR jobasynyń nusqaýshysy retinde jumys atqaratyn bolady. Bul joba OLIMPBET-Chempıonatynda osy jyldan bastap iske asyryla bastady jáne ony damytý men tóreshilerdi oqytý jumystary alda da júzege asyrylyp otyrady.
Sonymen qatar otyrysqa QFF bas hatshysy Oljas Abraev pen tóreshilik korpýstyń basshysy Hýan Antonıo Marın qatysty.