Bıyl qoǵamdyq-gýmanıtarlyq baǵyttaǵy 6 myń termınge saraptama jasalady. Bul jaıynda Senat depýtattarynyń saýalyna berilgen Premer-Mınıstrdiń orynbasary Eraly Toǵjanovtyń jaýabynda aıtylǵan, dep habarlaıdy Egemen.kz.
«Qazaq tiliniń termınologııalyq bazasyn jetildirý boıynsha jumystar júrgizilip jatyr. Jalpy 1971 jyldan beri 31 611 termınge lıngvıstıkalyq saraptama jasalǵan. Bıyl qoǵamdyq-gýmanıtarlyq baǵyttaǵy 6 myń termınge saraptama jasaý josparlanýda. Jańa termınderdi birizdendirý maqsatynda «Termincom.kz» qyzmet etedi. Maquldaýǵa usynylǵan salalyq termınderdi tek komıssııa músheleri ǵana emes, sala mamandary men jalpy jurtshylyq talqylaıdy», dep atap ótedi vıse-premer.
Eraly Toǵjanov qazaq tilin ultaralyq qatynastar tiline aınaldyrý maqsatynda jyl saıyn oqytý kýrstary men túrli baıqaýlar, yntalandyrý is-sharalary uıymdastyrylyp kele jatqanyn aıtady.
«Sonymen qatar qazaq tili ulttyq korpýsynyń mátindik bazasyn qurý jumysy qolǵa alyndy. 2021 jyly pýblısıstıkalyq mátinderderdiń 2 mln birligine taldaý jasalyp, qazcorpora.kz saıtyna ornalastyryldy», delingen E. Toǵjanovtyń jaýabynda.