17 mamyrda Almaty oblysy Sarqan aýdanynda qoqys úıindisinen 5 jasar qyzdyń denesi tabyldy, dep habarlaıdy Egemen.kz.
Polıseıler bala men onyń anasynyń jeke basyn anyqtady. Balanyń anasy 19 jastaǵy jergilikti turǵyn bolyp shyqqan. Onyń aıtýynsha, qyzy 2017 jyly dúnıege kelgen. Ol serebraldi sal aýrýyna shaldyqqan, sondaı-aq balada týa bitken aqyl-oı kemistigi bolǵan.
Bıyl aqpanda bala aýyryp, kenet qaıtys bolǵan. Sondyqtan áıel aǵasymen birge qyzdy qala shetine jasyryn túrde jerlegen.
«Qajet saraptamalar taǵaıyndaldy. Tergeý QR QK 99-baby («Kisi óltirý») boıynsha júrgiziledi. Qylmystyq is oblystyq Polısııa departamentiniń erekshe baqylaýyna alyndy. Kúdiktilerdiń ekeýi de aýdandyq polısııaǵa jetkizildi», dedi Almaty oblystyq polısııa departamentiniń baspasóz qyzmeti ókili.