Beıneý aýdanynda ǵasyr jasaǵan áje búkilhalyqtyq referendýmǵa qatysyp, jastarǵa batasyn berdi, dep habarlaıdy Egemen.kz Qoǵamdyq kommýnıkasııa ortalyǵyna silteme jasap.
Qalıeva Syrǵa Tileýbaıqyzy 1922 jyly 1 qańtarda Beıneýde dúnıege kelgen. Bıyl áje 100 jasqa toldy. Beıneý halqyna «ǵasyr áje» degen atpen tanymal keıýana óz ýchaskesine baryp, el ıgiligi úshin daýysyn berdi.
«Jastardyń bastamasy oń bolsyn. Elimiz aman, jurtymyz tynysh bolsyn. Men ómirimde qıyndyqtyń bárin kórdim, endi myna jastar qıyndyq kórmegeı. Soǵys pen asharshylyq bolmaǵaı. Táýelsizdigimiz máńgi bolsyn!» dep Syrǵa áje batasyn berdi.