Seýlde ótip jatqan semserlesýden Azııa chempıonatynda Qazaqstan qorjynyna taǵy bir medal tústi. Komandalyq saıysta synǵa túsken Qazaqstan áıelder quramasy qylyshtasý baǵdarlamasynda qola júlde jeńip aldy.
Sportty damytý dıreksııasynyń málimeti boıynsha, Áıgerim Sarybaı, Karına Dospaı, Tatıana Prıhodko, Anastasııa Gýlık óner kórsetetin bizdiń komanda shırek fınalǵa deıingi qarsylastarynan esh qıyndyqsyz basym túsken. Shırek fınalda Gonkongpen ótken asa tartysty kezdesýde jerlesterimiz 45:43 esebimen jeńisti julyp alǵanymen, jartylaı fınalda Ońtústik Koreıa quramasyna dál sondaı jiger kórsete almady. Jerlesterimiz jarys qojaıyndaryna 35:45 nátıjesimen ese jiberip, qola júldeni qanaǵat tutty.
Esterińizge sala keteıik, buǵan deıin Artem Sarkısıan qylyshtasý básekesinde qola medalǵa qol jetkizip, Qazaqstan úshin 17 jyl kútken Azııa chempıonatyndaǵy júldeni jeńip alǵan edi.