Fýtboldan Qazaqstan chempıonatynyń 16-týrynda Qaraǵandynyń «Shahteri» óz alańynda «Aqtóbeni» qabyldady.
Kenshiler astanasynda ótken oıynnyń alǵashqy taımynda alań ıeleri Tımýr Dosmaǵambetov pen Roman Mýrtazaevtyń soqqan goldarynyń arqasynda 2:0 esebimen alǵa shyǵyp alǵan edi. Alaıda úzilisten keıin qonaqtar alań ıeleriniń qaqpasyna jaýapsyz úsh gol soǵyp, jeńisti julyp aldy – 3:2. Ekinshi taımda «Aqtóbe» sapynan Álibek Qasym, Jerar Goý jáne Ýgo Vıdemont mergendigimen kózge tústi.
Osylaısha, 26 upaı jınaǵan Andreı Karpovıch shákirtteri týrnır kestesinde birinshi orynǵa kóterildi. «Shahter» 17 upaımen 9-satyda qalyp qoıdy. Endi kelesi týr oıyndary tamyz aıynyń sońynda ótedi.