20 shildede Almaty qalasynda qalalyq Máslıhattyń kezekten tys XXIII sessııasy ótti. Sessııa barysynda Almaty qalasy aýmaqtyq saılaý Komıssııasynyń qaýlysy jáne AMANAT pen «Qazaqstan Halyq partııasy» partııalary fılıaldarynyń sheshimderi negizinde jáne berilgen ótinishterge sáıkes 11 depýtat mantatyn tapsyrdy, dep habarlaıdy Egemen.kz.
Sondaı-aq olardyń ornyna kelesi depýtattarǵa jańa mandattar berildi:
1) Matyjanov Kenjehan Islámjanuly – M.Áýezov atyndaǵy Ádebıet jáne óner ınstıtýtynyń dırektory, fılologııa ǵylymdarynyń doktory, AMANAT partııasynyń múshesi.
2) Taıtóleev Tóleýǵalı Muhamedjanuly – Almaty energetıka jáne elektrondyq tehnologııalar kolledjiniń dırektory, Almaty qalasy Qoǵamdyq keńesiniń múshesi, AMANAT partııasynyń múshesi.
3) Jandaı Sana Shaıhanqyzy – «ADANAZ» JShS dırektory, AMANAT partııasynyń múshesi.
4) Jumabaev Baqytbek Áshimuly – «Jan-M» JShS Bas dırektory, Qazaqstannyń kógaldaǵy hokkeı Federasııasynyń vıse-prezıdenti, AMANAT partııasynyń múshesi.
5) Qaraǵulov Erulan Serikuly – «Almaty servıstik qyzmet kórsetý kolledji» KMQK dırektory, AMANAT partııasynyń múshesi.
6) Kotenev Artýr Edýardovıch – «AlmatyEngineering» JShS dırektory, AMANAT partııasynyń múshesi.
7) Shamova Araılym Mátjanqyzy – «№201 mektep-gımnazııa» KMM dırektory, AMANAT partııasynyń múshesi.
8) Erlan Dıana Erlanqyzy - Almaty qalasy Qoǵamdyq keńesiniń, Otbasy, áıelder isteri jáne balalardyń quqyqtaryn qorǵaý jónindegi Respýblıkalyq keńestiń múshesi, AMANAT partııasynyń múshesi.
9) Ramazan Bekbol Batyrjanuly – L.B. Goncharov atyndaǵy Qazaq avtomobıl jol akademııasynyń prorektory, Almaty qalasy Qoǵamdyq keńesiniń múshesi, AMANAT partııasynyń múshesi.
10) Sultanǵalıev Tamerlan Melsuly – «Qazaqstan Halyq partııasy» Almaty qalalyq fılıalynyń tóraǵasy, «Qazaqstan Halyq partııasy» partııasynyń múshesi.
11) Muhamedǵalıev Talǵat Ablaıuly – «Tutynýshylar men kásipkerlerdiń quqyqtaryn qorǵaý odaǵy» RQB Almaty fılıalynyń basshysy, «Qazaqstan Halyq partııasy» partııasynyń múshesi.
Jańa quram boıynsha ǵylym men bilim salasy ókilderiniń sany eki ese ósip, 20% qurady, BAQ jáne ÚEU - 21% deıin ósti.
Sonymen qatar Máslıhattyń jańa depýtattarynyń arasynda eki kópbalaly ana bar.
Partııalyq tizimder boıynsha saılaý júıesi almastyrýdy kózdeıdi. Bul prosedýra álemniń damyǵan elderinde is júzinde keńinen qoldanylady jáne merıtokratııa men partııaishilik birlik qaǵıdattaryn iske asyrýdyń jarqyn mysaly bolyp tabylady. Osy prınsıpter partııalardyń rezervtik tizimderindegi basqa múshelerine ózderin júzege asyrýǵa múmkindik beredi.