Almaty oblysynda jylqyny qasaqana kóligimen basqan adam 10 kúnge qamaldy, dep habarlaıdy Egemen.kz.
«Jylqyny kóligimen basqan turǵyn ákimshilik kodekstiń 434 baby (usaq buzaqylyq) boıynsha 10 kúnge qamaýǵa alyndy. Bul jazaǵa ol balaǵat sóz aıtqany úshin tartyldy. Al ústinen qozǵalǵan qylmystyq is toqtatylǵan joq. Qozǵalǵan QR QK 316 bap (Janýarlarǵa qatygezdik jasaý) qylmystyq kodekstiń 202 babyna (múlikke qasaqana zalal keltirý) aýystyryldy. Tergeý júrip jatyr», dedi Almaty oblystyq polısııa departamentiniń baspasóz qyzmeti ókilderi.
Aıta keteıik, er adamnyń jol talǵamaıtyn kólikpen jylqyny qasaqana túrde basyp jatqan vıdeosy jelige taraǵan bolatyn. Vıdeo avtory jylqyny basqan adamdy polısııa alyp ketip, artynsha bostandyqqa jibere salǵandyǵyna shaǵymdandy. Al polısııa kúdiktiniń arnaıy qolhatpen bosatylǵanyn habarlaǵan bolatyn.
Eske sala keteıik, 16 shilde kúni Ile aýdanyndaǵy Mejdýrechınsk aýylynyń 38 jastaǵy turǵyny kórshisimen janjaldasyp, onyń jylqysyn qasaqana jol talǵamaıtyn kólikpen basqan.