О́zbekstan astanasy – Tashkentte ótip jatqan aýyr atletıkadan jastar jáne jasóspirimder arasyndaǵy álem chempıonatynda Qazaqstan quramasynyń qorjynyna ekinshi altyn medal tústi.
Jarystyń kezekti kúninde 67 kılo salmaqta synǵa túsken otandasymyz Álisher Baıburov 17 jasqa deıingiler arasynda Azııa chempıony degen ataqqa ıe boldy. Jerlesimiz serpe kóterýde úsh múmkindiktiń ekeýin paıdalanyp, bul saıysty 134 kılomen qorytyndylady. Al julqa kóterýde 155 kılo ziltemirdi eńserip, qossaıys qorytyndysy boıynsha Sary qurlyq básekesiniń jeńimpazy atandy.
Buǵan deıin el qorjynyna alǵashqy altyndy 17 jasqa deıingi jasóspirimder arasynda 73 kıloda synǵa túsken Edige Emberdi salǵan edi. Ol qossaıysta 309 (136+173) kılo ziltemirdi basynan asyra kótergen bolatyn. Sondaı-aq Emberdi serpe kóterýde jáne qos jattyǵý qorytyndysy boıynsha jastar arasyndaǵy Azııa rekordyn ornatty. Al 61 kılodaǵy Azamat Tólegen men 55 kılo salmaqtaǵy Erasyl Omarov Azııa chempıonatynyń qola júldelerine ıe boldy.