Elordada ótip jatqan tennısten dástúrli Prezıdent kýbogy aıasyndaǵy chellendjer jarysynda qazaqstandyq Dmıtrıı Popko týrnırdiń shırek fınalyna shyqty.
Baıraqty básekeniń ekinshi aınalymynda jerlesimiz túrkııalyq Iаnkı Erelmen kezdesip, eki sette – 7:6 (8:6), 6:4 esebimen jeńiske jetti. Endi Dmıtrıı Popko jarystyń jartylaı fınalyna shyǵý úshin reseılik Evgenıı Donskoı nemese chehııalyq Davıd Polıaktiń birimen sheberlik baıqasady.
Al áıelder arasyndaǵy Prezıdent kýbogy jolyndaǵy ITF W60 dodasynyń jekeleı jarysynda birde-bir qazaqstandyq tennısshi qalmady. Ekinshi aınalymda baq synaǵan Jibek Qulambaeva ońtústikkoreıalyq Na Lı Hannan eki sette – 6:1, 6:2 esebimen jeńilse, Gózal Aınıtdınova da reseılik Anastasııa Zolotarevaǵa eki sette ese jiberdi – 6:1, 7:5. Endi Jibek pen Gózal juptyq synda shırek fınaldyq matchtaryn ótkizedi.