Eýropalyq komıssııa danııalyq Bavarian Nordic (BAVA.CO) bıotehnologııa kompanııasyna maımyl sheshegine qarsy vaksınany satýǵa ruqsat berdi, dep habarlaıdy Egemen.kz.
Agenttik málimetinshe, Bavarian vaksınasy, AQSh pen Kanadada maımyl shesheginiń aldyn alý úshin bekitilgen jalǵyz vaksına.
«Investısııalyq jáne qurylymdyq bıodaıyndyq josparlanǵan jaǵdaıda ǵana maquldanǵan vaksına elderdiń aýrýǵa qarsy kúresýge daıyndyǵyn aıtarlyqtaı jaqsarta alady», dedi Bavarian atqarýshy dırektory Pol Chaplın.
Kompanııa vaksınany EO-nyń birneshe elinde maımyl sheshegi órship turǵan kezinde maqsatynan tys paıdalaný úshin jetkizdi. Ekpe Eýropalyq Odaqqa múshe barlyq elde, sondaı-aq Islandııa, Lıhtenshteın jáne Norvegııada jaramdy.Buǵan deıin Dúnıejúzilik densaýlyq saqtaý uıymynyń basshysy Tedros Adhanom Gebreıesýs maımyl indetin jahandyq densaýlyq saqtaý salasyndaǵy tótenshe jaǵdaı dep jarııalaǵan bolatyn.