Ekinshi orta salmaqta judyryqtasatyn qazaqstandyq boksshy Álı Ahmedov (18-1, 14 KO) óziniń kelesi jekpe-jegin 17 qyrkúıek kúni AQSh-ta ótkizedi.
Muhıttyń arǵy betindegi Las-Vegas (AQSh, Nevada shtaty) qalasynda ornalasqan T-Mobile Arena-da ótetin Gennadıı Golovkın men Saýl Alvares arasyndaǵy trılogııanyń anderkardynda sharshy alańǵa shyǵatyn Ahmedov amerıkalyq Gabrıel Rossadomen (26-15-1, 15 KO) judyryqtasady. Bul jekpe-jekte boksshylar sýper orta salmaqtaǵy (76,2 kg) «soltústikamerıkalyq» IBF chempıondyq beldigin sarapqa salady. 36 jastaǵy amerıkalyq Gabrıel Rossadonyń esimi qazaqstandyq boks jankúıerlerine jaqsy tanys. Sebebi ol osydan toǵyz jyl buryn, ıaǵnı 2013 jyly G. Golovkınmen sharshy alańda kezdesip, jetinshi raýndta tehnıkalyq nokaýtpen jeńilip qalǵan bolatyn.
Aıta keteıik, otandasymyz kásipqoı bokstaǵy eń sońǵy jekpe-jegin 2021 jyldyń jeltoqsan aıynda ótkizip, meksıkalyq Paýl Valensýelany (27-11, 17 KO) birinshi raýndta-aq sulatyp salǵan edi.