Aýyl sharýashylyǵy mınıstrliginde О́KM Operatorynyń qarajaty esebinen otandyq aýyl sharýashylyǵy tehnıkasyn satyp alý maqsatynda jeńildetilgen nesıe tetigin engizýge qatysty keńes ótti, dep habarlaıdy Egemen.kz.
«Keńestiń qorytyndysy boıynsha taraptar «Jasyl Damý» AQ qarajaty esebinen aýyl sharýashylyǵy tehnıkasyn jeńildikpen jalǵa berý tetiginiń negizgi tásilderin talqylap, kelisti. Aýyl sharýashylyǵy tehnıkasyn jeńildiktilgen tártipte lızıngke alý tetigin bıylǵy jappaı egin jınaý jumystary bastalǵanǵa deıin, ıaǵnı qysqa merzimde qabyldaý josparlanyp otyr. Baǵdarlamanyń sharttary shaǵyn jáne orta aýyl sharýashylyǵy qurylymdarynyń tehnıkany satyp alýyn yntalandyrýǵa baǵyttalady», delingen mınıstrlik habarlamasynda.
Keńeske Indýstrııa jáne ınfraqurylymdyq damý mınıstrliginiń, «Báıterek» UBH» AQ, «О́nerkásipti damytý qory» AQ, «QazAgroQarjy» AQ, «Jasyl Damý» AQ jáne Qazaqstan fermerler odaqtary qaýymdastyǵynyń ókilderi qatysty.
Atalǵan baǵdarlamaǵa shamamen 40 mıllıard teńge bólinedi dep josparlanyp otyr. Qarjylandyrýdy «Báıterek» UBH» AQ enshiles uıymdary óz moınyna alady.
Eske sala ketsek, Memleket basshysy Qasym-Jomart Toqaev Úkimettiń keńeıtilgen otyrysynda otandyq aýyl sharýashylyǵy tehnıkasyn satyp alý úshin jeńildetilgen nesıe berý tetigin engizýdi tapsyrǵan edi.