Horvatııanyń Zadar qalasynda uıymdastyrylǵan voleıboldan áıelder arasyndaǵy Challenge Cup jarysy máresine jetti.
Bıyldan bastap jańa ereje boıynsha ótken dúnıejúzilik dodada álemniń eń úzdik degen 8 komandasy qatysyp, Ulttar lıgasyna beriletin jalǵyz joldamany sarapqa saldy. Horvatııadaǵy jarysta Azııa qurlyǵynyń atynan baq synǵan Qazaqstan áıelder quramasy shırek fınalda jarys qojaıyny Horvatııamen jolyǵyp, úsh partııada – 25-20, 25-15, 25-20 esebimen jol berdi. Osylaısha, bizdiń voleıbolshylar 2023 jylǵy Ulttar lıgasyna qatysý múmkindiginen aıyryldy.
Bul oıynda ulttyq qurama sapynan Tatıana Nıkıtına úzdik oıynshy atandy. Onyń enshisinde – 14 nátıjeli áreket bar. Al Horvatııa kapıtany Samanta Fabrıs matchta 19 ball jınap, otandastarynyń ystyq yqylasyna bólendi (14 upaı, 4 eıs, 1 blok-shot).
Aıta keteıik, jarysta Qazaqstan men Horvatııadan bólek, Belgııa, Kolýmbııa, Pýerto-Rıko, Kamerýn, Fransııa jáne Chehııa quramalary baq synady.