Fýtboldan Qazaqstan ulttyq quramasy men pavlodarlyq «Aqsýdyń» jartylaı qorǵaýshysy Aıbol Ábikenniń tyıym salynǵan preparatty qoldanǵany anyqtalyp, resmı túrde fýtboldan tórt jylǵa shettetildi.
Mamyr aıynda Aıbol Ábiken dopıng qoldandy degen kúdikke ilinip, fýtboldan ýaqytsha shettetilgen edi. Úsh aılyq tekseristen keıin qazaqstandyq fýtbolshynyń tyıym salynǵan meldonıı (mıldronat) preparatyn qoldanǵany anyqtalyp, resmı túrde 2022 jyldyń 29 sáýirinen 2026 jyldyń 29 sáýirine deıin fýtboldan shettetildi.
Aıta keteıik, keıingi eki jylda osymen úshinshi qazaqstandyq fýtbolshy dopıngpen ustalyp, fýtboldan shettetilip otyr. 2020 jyly BAÁ-niń «Al-Aın» komandasynda dop tepken Baýyrjan Islamhannyń qanynan tyıym salynǵan preparat tabylsa, byltyr kúzde «Tobyldyń» jartylaı qorǵaýshysy Rýslan Valıýllın da fýtboldan eki jylǵa alastatylǵan edi.