Chehııanyń Prosteev qalasynda jalaýy jelbiregen 14 jasqa deıingi tennısshiler arasyndaǵy komandalyq álem chempıonatynyń (2022 ITF World Junior Tennis Finals) jerebesi tartyldy.
Jerebe qorytyndysy boıynsha, Sergeı Kvak jetekshilik etetin Qazaqstannyń jasóspirimder quramasy A tobynda Italııa, Argentına jáne Ekvador sekildi álem chempıonatynyń jeńimpazdarymen bir topta synǵa túsetin boldy. Máselen, Italııa quramasy jasóspirimder arasyndaǵy byltyrǵy álem chempıony sanalsa, Argentına 2016 jylǵy álem birinshiliginde top jarǵan. Sonymen qatar Ekvador tennısshilerin de osal qarsylastardyń qataryna jatqyzýǵa bolmaıdy.
Jasóspirimder arasyndaǵy álem chempıonatyna tuńǵysh ret qatysyp jatqan Qazaqstan sportshylary bıylǵy dodanyń segizinshi nómirli quramasy retinde tirkelgen. Aıta keteıik, Chehııadaǵy jahandyq dodada el namysyn halyqaralyq jarystarda sátti óner kórsetip júrgen Zańǵar Nurlanuly, Damır Jalǵasbaı jáne Danıel Tazabekov qorǵaıdy.