Fýtboldan áıelder arasyndaǵy Eýropa chempıonatynda tuńǵysh ret Anglııa quramasy jeńimpaz atandy. Jarys qojaıyndary fınalda Germanııadan basym tústi.
«Ýemblı» stadıonynda ótken fınaldyq matchtyń negizgi ýaqyty 1:1 esebimen teń aıaqtalyp, qosymsha ekstra-taımda aǵylshyndardyń mereıi ústem boldy – 2:1. Alań ıeleri sapynan Ella Týn men Kloı Kellı mergendigimen kózge tússe, qonaqtardan Lına Magýll bir golmen jaýap qaıtardy. Osylaısha, Anglııa quramasy Eýropa chempıonattary tarıhynda alǵash ret qos qulaqty kýbokty basynan asyra kóterdi. Olar buǵan deıin eki ret fınalǵa shyǵyp, ekeýinde de qarsylastaryna jol bergen bolatyn.
Al Germanııa áıelder quramasy alǵash ret fınalda jeńilip otyr. Olar buǵan deıin Kári qurlyq chempıonatynda segiz ret bas júldeni oljalaǵan edi.