Qazaqstan Táýelsizdik alǵaly 1 mıllıonnan astam qandas elge oraldy. Bul týraly QR Eńbek jáne halyqty áleýmettik qorǵaý mınıstrliginen málim etti, dep habarlaıdy Egemen.kz.
2022 jylǵy 1 tamyzdaǵy jaǵdaı boıynsha, jyl basynan 9 077 etnıkalyq qazaq tarıhı otanymen tabysyp, qandas mártebesin aldy. Jalpy 1991 jyldan beri respýblıkaǵa 1 mıllıon 96,9 myń etnıkalyq qazaq oraldy.
«Jyl basynan Qazaqstanǵa kelgen qandastardyń jartysynan kóbi О́zbekstannan (69,9%), Qytaıdan 10,3%, Túrikmenstannan 7,1%, Mońǵolııada 4,0% jáne basqa elderden 8,7% qonys aýdardy. Etnıkalyq qazaqtar negizinen Almaty (30,8%), Mańǵystaý (17,9%), Túrkistan (9,7%) jáne Jambyl (6,5%) oblystaryna, sondaı-aq Almaty (5,7%), Nur-Sultan (7,2%) jáne Shymkent (8,0%) qalalaryna qonystandy», delingen mınıstrlik habarlamasynda.
Elge kelgen 9 myńnan astam qandastyń 60,5% - eńbekke qabiletti jastaǵy azamattar, 26,2% - eńbekke qabiletti jastan kishi, 13,3% - zeınetkerler.
Eńbekke qabiletti jastaǵy qandastardyń ishinen bilim deńgeıi boıynsha 11,8% joǵary bilimdi, 39,8% orta kásibı bilimdi, 46,7% jalpy orta bilimdi jáne 1,6% bilimi joq.