Bul kúnderi Bolgarııanyń bas shahary – Sofııada taekvondodan jasóspirimder arasyndaǵy álem chempıonaty ótip jatyr. Bul synda Qazaqstannyń erler jáne qyzdar quramasy da óner kórsetýde.
Álemdik dodanyń ekinshi kúninde Qazaqstan quramasynyń qorjynyna úsh medal tústi. Erler arasynda 51 kıloǵa deıingi salmaqta synǵa túsken Temirlan Tileýles pen qyzdar básekesinde 46 kıloda daıangqa shyqqan Aıdana Súndetbaı kúmispen kúptelse, Áset Erǵalıev (48 kılo) qolany qanaǵat tutty.
Bas júlde úshin ótken fınaldyq básekede Aıdana Súndetbaı Ońtústik Koreıa sportshysy Iýnseo Kımnen aılasyn asyra almady. Sondaı-aq Temirlan Tileýles te Ońtústik Koreıa sportshysynan utylyp qaldy.
Sofııadaǵy álem chempıonatynda Qazaqstannyń 20 sportshysy óner kórsetýde. Jasóspirimder arasyndaǵy álem birinshiligi 7 tamyzda máresine jetedi.