Almaty oblysynyń polısııasy Uzynaǵashtaǵy atysqa qatysty pikir bildirdi, dep habarlaıdy Egemen.kz.
«Kýágerlerdiń aıtýynsha, janjal kisi óltirý deregi bolmaı turyp, birshama ýaqyt buryn bastalǵan. Konflıkt qatysýshylarynyń mektep qabyrǵasynan bastap arazdasqany jáne bir-birimen jaǵymsyz qarym-qatynasta bolǵany anyqtaldy. Sońǵy shılenis kezinde kúdikti atys qarýyn qoldanǵan. Sonyń saldarynan bir adam qaza bolyp, qalǵan ekeýi jaraqattandy», dep habarlaıdy Almaty oblysy PD baspasóz qyzmeti.
Ishki ister mınıstrligi Uzynaǵashtaǵy jas jigittiń ólimine qatysty tergeý erekshe baqylaýda ekenin habarlaıdy.
Qazir óńir polıseıleri kúdiktilerdi izdestirý boıynsha arnaıy is-sharalar júrgizip jatyr.