Úndistanda ótip jatqan shahmattan dúnıejúzilik olımpıadanyń 10-týrynda Qazaqstannyń qyzdar quramasy jergilikti shahmatshylarmen, erler Horvatııamen sheberlik baıqasty.
Jarys qojaıyndarymen ótken kezdesýde qazaqstandyq qyzdar 0,5-3,5 esebimen jeńilip qaldy. El quramasy sapynan Bıbisara Asaýbaeva ǵana teń nátıjege qol jetkizse, Jansaıa Ábdimálik, Ksenııa Balabaeva jáne Gúlishan Naqbaeva qarsylastaryna jol berdi. Osylaısha, 10 týrdyń qorytyndysy boıynsha Qazaqstannyń qyzdar quramasy 7 jeńis, 1 teń jáne 2 jeńilispen álemdik reıtıngte 8-orynǵa túsip qaldy. Bul matchtyń aldynda jerlesterimiz úshinshi orynda turǵan edi.
Al Qazaqstannyń erler quramasy 10-týrda Horvatııamen kezdesip, 3-1 esebimen basym tústi. Jerlesterimizden Álisher Súleımenov pen Arystanbek Orazaev óz oıyndaryn jeńispen aıaqtasa, Rınat Jumabaev pen Qazybek Nógerbek teń tústi.