Qazaqstandyq tennısshi Elena Rybakına Kanadanyń Toronto qalasynda WTA 1000 kategorııasy boıynsha ótip jatqan týrnırdiń 2-shi aınalymynda amerıkalyq Korı Gaýfftan jeńilip qaldy. Úsh settiń qorytyndysy: 4:6, 7:6, 6:7.
Korı Gaýff – álemniń 11-raketkasy jáne Úlken dýlyǵa týrnıriniń eki dúrkin fınalyna shyqqan jas ta bolsa, tájirıbeli tennısshi. Oıyn barysynda jaqynda ǵana Ýımbldon jeńimpazy bolǵan Rybakına utymdy sátterdiń ózinde kóptegen májbúrliksiz qatelikke boı aldyrsa, bul – qazaqstandyq tennısshiniń Ýımbldondaǵy jetistiginen keıingi ushyrap otyrǵan qatarynan ekinshi jeńilisi. Buǵan deıin ol San-Hosedegi (AQSh) týrnırdiń birinshi aınalymynda reseılik Darıa Kasatkınadan jeńilip qalǵan edi.
Torontodaǵy týrnırge qatysyp jatqan taǵy bir qazaqstandyq, álemniń 46-raketkasy Iýlııa Pýtınseva ekinshi aınalymda ıspanııalyq Paýlo Badosany tehnıkalyq jeńiliske ushyratty. Endi Pýtınseva úshinshi aınalymda amerıkalyq Elıson Rıskpen oınaıdy.