Qarasaı aýdany Shamalǵan aýylynda bir jasar balanyń ólimine qatysty jantúrshigerlik oqıǵa 12 tamyz kúni boldy, dep habarlaıdy Egemen.kz Polisia.kz-ke silteme jasap.
Mıkroavtobýsty balalardy balabaqshalarǵa tasymaldaýmen aınalysatyn 69 jastaǵy er adam basqarǵany anyqtaldy. Sábıdiń anasy úlken ulyn balabaqshaǵa jiberý barysynda búldirshin shaǵyn avtobýsqa tym jaqyn turǵan. Qozǵalystan keıin bala dóńgelekterdiń astyna túsip qalǵan.
Qazirgi tańda Qarasaı aýdanynyń polısııa bóliminde QR QK-niń 345-baby 3-bóligi (Abaısyzda adam ólimine ákep soqqan jol qozǵalysy erejelerin buzý) boıynsha qylmystyq is tirkeldi. Mundaı jaǵdaılar boıynsha qajetti saraptamalar taǵaıyndaldy.