Qurlyqtyq hokkeı lıgasynda (QHL) kúsh synasyp júrgen Nur-Sultannyń «Barysy» aldaǵy maýsymǵa daıarlanýda.
О́tken aptada elordalyq komandanyń sapy birneshe oıynshymen tolyqty. Kúni keshe ǵana «Barys» qaqpashy Djelal-ad-Dın Ámirbekov, qorǵaýshylar Temirlan Gaıtamırov pen Mádı Dıhanbek, shabýylshylar Andreı Rýnov, Abaı Mańǵysbaev jáne Dıas Gýseınovty óz qataryna qabyldady. Olardyń árqaısysymen bir jyl merzimge ekijaqty kelsimshart jasaldy. Bul hokkeıshilerdiń barlyǵy da osyǵan deıin Nur-Sultannyń «Nomad» klýbynda oınaǵan. Kóp keshikpeı Edýard Shetle «Barystyń» jeıdesin kıdi. 19 jastaǵy qorǵaýshy sońǵy eki maýsymdy «Snejnye Barsy» sapynda ótkizdi. Qazaqstan chempıonatynyń byltyrǵy maýsymynda ol 46 márte muz aıdynyna shyǵyp, 11 (3 gol+8 pas) upaıǵa ıelik etti.
Esterińizge sala keteıik, QHL-dyń turaqty birinshiligi bıyl 1 qyrkúıekte bastalyp, kelesi jyldyń 1 naýryzynda aıaqtalady.