Oqý-aǵartý mınıstri Ashat Aımaǵambetov 30 jyldyq pedagogıkalyq ótili jáne jańa attestattaý júıesi boıynsha sanaty bar pedagogter biliktilik testileýinen bosatylatynyn habarlady, dep jazady Egemen.kz.
«Olar attestattaýdyń ekinshi kezeńinen ótedi, ıaǵnı portfolıo tapsyrady. Sonymen qatar, eger pedagogter biliktilik sanatyn kótergisi kelse, onda sertıfıkattaý jalpy negizde ótedi. Mysaly, 30 jyldyq tájirıbesi bar pedagog-sarapshy, eger óz sanatyn rastasa, attestattaýdyń tek ekinshi kezeńinen ótedi, al sanatty arttyrǵan kezde qosymsha TKT tapsyrady», dep jazdy mınıstr áleýmettik jelidegi paraqshasynda.
Sondaı-aq, 30 jyldyq pedagogıkalyq ótili bar, biraq eski attestattaý júıesi boıynsha joǵary/birinshi sanaty bar pedagogter, eger olar «pedagog-moderator» sanatyna aýyssa, biliktilik testileýinen bosatylady.
«Bul jaǵdaıda olar sertıfıkattaýdyń ekinshi kezeńinen ótedi, ıaǵnı portfolıo tapsyrady. Eger olar jańa sertıfıkattaý júıesi boıynsha basqa kategorııalardy alǵysy kelse, onda sertıfıkattaý jalpy negizde ótedi», dep jazdy Ashat Aımaǵambetov.
Mınıstrdiń aıtýynsha, 4 jyldan keıin zeınetke shyǵatyn pedagogterdi, eger olar jańa júıe boıynsha bar sanatty rastasa, attestattaýdan bosatý usynylady.
«Eger olar óz biliktilik sanatyn arttyrǵysy kelse jáne sáıkesinshe qosymsha aqy alǵysy kelse, onda sertıfıkattaý jalpy negizde ótedi», dep qosty vedomstvo basshysy.