Almaty qalasynyń meshitinde uıaly telefondy qoldy qylǵan kúdikti qolǵa tústi. Onyń urlyq jasaǵan sáti beınebaqylaý kamerasyna tústi, dep habarlaıdy Egemen.kz Polisia.kz-ke silteme jasap.
Bul ispen Áýezov aýdanynyń polıseıleri aınalysqan.
Nátıjesinde, turǵylyqty jeri joq 42 jastaǵy jumyssyz er adam ustaldy. V. esimdi azamat urlyq jasaǵan kezde beınebaqylaý kameralaryna túsken.
Jábirlenýshiniń aıtýynsha, ol qaladaǵy meshitterdiń birinde namaz oqyp jatqan kezde uıaly telefonyn edenge qoıǵan. Biraz ýaqyttan keıin telefonynyń joq bolyp ketkenin baıqaǵan ol polısııaǵa júgingen.
«Kúdikti sol kúni ustaldy. Tintý kezinde urlanǵan gadjet tabyldy. Ustalǵan adam urlyqqa qatysy baryn joqqa shyǵarmaı, kinásin moıyndap, jasaǵan isine ókingenin aıtady. Atalǵan fakt QR QK 188-baby 1-bóligi boıynsha sotqa deıingi tergep-tekserýdiń biryńǵaı tiziliminde tirkeldi», dedi Áýezov aýdandyq PB janyndaǵy polısııa bóliminiń bastyǵy Elnur Qudretbaev.