Elordalyq Kólik jáne jol-kólik ınfraqurylymyn damytý basqarmasy jol qozǵalysy qaýipsizdigin qamtamasyz etý maqsatynda qalalyq PD ákimshilik polısııa basqarmasynyń kelisimimen Eńlik-Kebek kóshesindegi ýchaskede ortasha jóndeý jumystaryn bastaıdy, dep habarlaıdy Egemen.kz Nur-Sultan ákimdiginiń resmı saıtyna silteme jasap.
Osy jyldyń 16-17 qyrkúıeginde jóndeý jumystarynyń júrgizilýine baılanysty Eńlik-Kebek kóshesiniń Bolashaq kóshesinen 189 kóshege deıingi aralyǵy kólik qozǵalysy úshin tolyǵymen jabylady.
«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy ótinemiz», delingen habarlamada.