QR IIM turǵyndarǵa turǵylyqty jeri boıynsha tirkelmegeni úshin aıyppul bar ekenin eskertti, dep habarlaıdy Egemen.kz.
«Azamattardyń turǵylyqty jeri boıynsha resmı tirkeýsiz turý faktileri jıilep ketti. Zań boıynsha árbir azamat jeke turǵyn úı bolsyn, jalǵa beriletin nemese turaqty turatyn basqa turǵyn úı bolsyn, ózi turatyn jerde tirkelýi kerek. Áıtpese, turǵylyqty jeri boıynsha turaqty tirkeýi joq adamdarǵa keıbir memlekettik qyzmetterdi paıdalaný kezinde shekteýler qoldanylady. Azamattardyń turǵylyqty jeri boıynsha turaqty nemese ýaqytsha tirkeýsiz turǵany úshin Ákimshilik quqyq buzýshylyq týraly kodekstiń 492-babynda 7 AEK mólsherinde aıyppul salýǵa deıin jaýapkershilik kózdelgen», dedi QR IIM Kóshi-qon qyzmeti komıteti tóraǵasynyń mindetin atqarýshy Aslan Atalyqov.
Búginde aıyppul mólsheri jobamen 21 myń teńgeden asady.
«Osyǵan baılanysty Ishki ister mınıstrliginiń Kóshi-qon qyzmeti komıteti barlyq azamattardy zańǵa baǵynýǵa shaqyrady. Menshik ıesi sizdi tirkeýden shyǵaryp tastaǵan joq pa, únemi tekserip otyryńyz. Tirkelgen jerińizdi qarańyz. Eger siz turǵylyqty jerińizdi ózgertken bolsańyz, onda jańa turǵylyqty mekenjaıǵa tirkelýińiz kerek. Bul basqa qaladan kelgen stýdentterge de qatysty. Siz ózińizdiń oqý ornyńyzǵa tirkelýińiz kerek», dedi ol.