Elordada shahmattan áıelder arasyndaǵy 2022/23 jylǵy Gran-prı jarysynyń birinshi kezeńi bastaldy. 30 qyrkúıekke deıin jalǵasatyn halyqaralyq týrnırde álemniń eń úzdik degen 12 sportshysy baq synap jatyr.
О́z elimizde uıymdastyrylyp jatqan Women Grand Prix 2022 týrnırine Qazaqstan quramasy sapynan byltyrǵy jyldam shahmattan (blıs) álem chempıonatynyń jeńimpazy Bıbisara Asaýbaeva men talaı básekede top jarǵan halyqaralyq dárejedegi grossmeıster Jansaıa Ábdimálik qatysyp, el namysyn qorǵaýda.
Týrnırdiń jalpy júlde qory 200 mıllıon teńgeni quraıdy. Birinshi orynǵa ıe bolǵan shahmatshyǵa 15 myń eýro men 160 upaı beriledi. Al ekinshi oryn alǵan sportshy 12 myń eýro men 130 reıtıngtik upaıǵa qol jetkizse, úshinshi orynǵa ıe bolǵan sportshy 10 myń eýro men 110 upaıǵa ıelik etedi.