Ulttar lıgasynda úmitimiz aqtala ma?

Birer jyl buryn tusaýy kesil­gen Ulttar lıgasynyń úshin­shi maýsymy fýtboldan Qazaqstan ulttyq quramasy úshin sátti bas­taldy. Jerlesterimiz jazdyń alǵashqy aıynda ótken tórt týrdyń úsheýinde jeńiske jetip (Ázer­baıjan – 2:0, Slovakııa – 1:0, 2:1), bir kezdesýde teń (Be­larýs – 1:1) oınady. Sóıtip, Ma­gomed Adıev shákirtteri dop dodasynyń alǵashqy tórt týrynan keıin 10 upaı jınap, «S» dıvızıonynyń 3-tobynda kósh bastady. Týrnır kestesinde ekinshi orynda turǵan Slovakııa biz­diń quramadan baqandaı tórt upaı qalyp keledi. Alda áli eki týr bar. Eger jerlesterimiz sol eki oıynnyń bireýinde úsh upaı oljalaıtyn bolsa, onda óz to­byndaǵy birinshi ornyn saqtap qana qoımaı, atalǵan lıgada bir saty joǵarylap, «V» dıvızıonyna tikeleı joldama alady. Al Eýropanyń úzdik quramalary baq synaıtyn «V» lıgasynda Kári qurlyq chempıonatynyń joldamalary sarapqa salynatynyn jankúıerler jaqsy biledi.

Fýtboldan bıylǵy álem chem­pıo­naty ádettegideı jazda emes, kúz mezgilinde Qatarda óte­tin bolǵandyqtan, FIFA men ÝEFA 2022 jylǵy fýtbol kúntizbesine ózgeris engizip, Ulttar lıgasynyń oıyndaryn maýsym jáne qyrkúıek aılarynda ótkizýge májbúr boldy. Dástúr boıynsha oıyndar qarashaǵa deıin sozylatyn edi.

Jerlesterimiz Ulttar lıga­synyń besinshi týr oıynyn erteń elordadaǵy «Astana Arena» stadıonynda FIFA reı­tınginde 96-orynda turǵan Belarýs quramasymen ótkizedi. Osydan úsh aı buryn syrt alańda uıymdastyrylǵan alǵashqy oıynda Qazaqstan quramasy «aq­orystarmen» birinshi ret resmı matchta teń oınap (1:1), tórt oıynǵa jalǵasqan jeńissiz serııaǵa núkte qoıdy. Serbııanyń Novı-Sad qalasyndaǵy «Karadjordje» sta­dıonynda (ÝEFA Belarýs quramasyna óz elinde resmı oıyndardy ótkizýge tyıym salǵan) ótken kezdesýdiń 13-mınýtynda Abat Aıymbetov esep ashsa, ekinshi taımnyń 84-mınýtynda Vladıslav Malkevıch tarazy basyn teńestirip, komandasyn jeńilisten qutqaryp qalǵan edi.

22 qyrkúıek kúni elordada Belarýs quramasymen ótetin oıyn ulttyq qurama jigitteri úshin qaı jaǵynan alyp qarasaq ta mańyzdy matchtyń biri bolyp tur. О́ıtkeni eń birinshi, fýtbolshylarymyz ulttyq quramanyń naýryz aıynda bastalǵan jeńisti jolyn buzyp almasa eken deımiz. Ekinshiden, jańa bapkerdiń basshylyǵymen syrt alańda Belarýspen teń túsken ulttyq qurama fýtbolshylary olardy Astanada jeńip, buǵan deıingi jeńilistiń esesin qaıtarýǵa tıis. Úshinshiden, eger osy matchta esh qıyndyqsyz úsh upaıǵa qol jetkizetin bolsaq, onda sońǵy týrdyń nátıjesine qaramaı-aq Qazaqstan ulttyq qura­­masy merziminen buryn Ult­tar lıgasynyń «V» dıvızıonyna kóteriledi.

О́z alańymyzdaǵy matchtan keıin Mogamed Adıev shákirt­teri sońǵy týr oıyny úshin Ázer­baıjanǵa sapar shegedi. Eki eldiń quramalary arasyndaǵy alǵashqy týr oıyny «Astana Arena» stadıonynda ótip, jer­lesterimiz 2:0 esebimen basym túsken edi. Matchtaǵy eki goldy da «Astananyń» shabýylshysy Abat Aıymbetov soqqan bolatyn. Ázerbaıjan men Qazaqstan qu­ramalary arasyndaǵy qa­rym­ta match 25 qyrkúıek kúni Ba­kýdegi 31 myń jankúıer syıatyn Tofık Bahramov atyndaǵy respýb­lıkalyq stadıonda ótedi. Match elorda ýaqytymen 22:00-de bastalady.

О́tken aptada Qazaqstan ulttyq quramasynyń bas bapkeri Magomed Adıev osy eki oıynǵa shaqyrtý alǵan fýtbolshylardyń tizimin jarııalady. Adıev qyrkúıektegi matchtarda da negizinen maýsym aıyndaǵy básekelerde jasyl alańǵa shyqqan fýtbolshylarǵa senim bildirmek. Sondaı-aq ulttyq quramaǵa jaraqattarynan aıyqqan qorǵaýshy Marat Bystrov pen Baqtıer Zaınýdtınov oraldy. Al Vladıslav Vasılev («Tobyl») pen Maksım Samorodovtyń («Aq­tóbe») ornyna Iýrıı Logvınenko («Aqtóbe) men «Qaırattyń» jas oıynshysy Ádilet Sádibekov keldi. Sonymen qatar ulttyq qu­ra­maǵa uzaq ýaqyt úzilisten keıin «Shahterdiń» shabýylshysy Roman Murtazaev qaıta oraldy. Qalǵan fýt­bolshylar quramadaǵy óz or­nyn saqtap qaldy. Magomed Adıev aldaǵy eki oıynda myna fýt­bolshylarǵa senim artpaq.

Qaqpashylar: Igor Shaskıı («Shahter»), Muhammedjan Seı­sen («Taraz»), Bekhan Shaızada («Ordabasy»);

Qorǵaýshylar: Sergeı Malyı, Aleksandr Marochkın, Baǵdat Qaıyrov (barlyǵy – «Tobyl»), Eldos Ahmetov («Taraz»), Mıhaıl Gabyshev, Talǵat Kósepov (ekeýi de – «Astana»), Marat Bystrov («Ah­mat», Reseı), Temirlan Er­lanov, («Aqtóbe»), Nuraly Álip («Zenıt», Reseı);

Jartylaı qorǵaýshylar: Iýrıı Logvınenko, Ramazan Ora­zov, (ekeýi de – «Aqtóbe»), As­hat Taǵybergen, Samat Jaryn­be­tov (ekeýi de – «Tobyl»), Aslan Dara­baev, Tımýr Dosmaǵambetov, Is­lambek Qýat (barlyǵy – «As­tana»), Iаn Vorogovskıı («Molenbek», Belgııa), Baqtıer Zaınýtdınov (SSKA, Reseı), Elhan Astanov («Ordabasy»), Ádilet Sadybekov («Qaırat»);

Shabýylshylar: Abat Aıym­betov («Astana»), Abylaıhan Ju­mabek («Taraz»), Artýr Shý­she­nachev («Qaırat»), Roman Murtazaev («Shahter»);