Bul kúnderi Almatydaǵy «Aqbulaq» olımpıada daıarlyǵy ortalyǵynda bessaıystan Sary qurlyq chempıonaty ótip jatyr.
Jarystyń alǵashqy kúninde Qazaqstan erler quramasy komandalyq esepte Qytaı (4511 upaı) men Ońtústik Koreıadan keıin (4451 upaı) 3-orynǵa taban tiredi. Jigitterimiz jalpy sany 4276 upaı jınady. Sondaı-aq Qazaqstan áıelder quramasy da Ońtústik Koreıa men Qytaı sportshylaryn alǵa jiberip, qola júldeni qanaǵat tutty. Qyzdarymyz 5 sport túrinde 3803 upaıǵa qol jetkizdi.
Aıta keteıik, bessaıysta sportshylar sporttyń bes túrinen, ıaǵnı semserlesý, erkin ádispen 200 metrge sýda júzý, atpen kedergiler arqyly ótý, nysana kózdeý jáne 800 metrge júgirýde synǵa túsedi. Azııa chempıonaty 26 qyrkúıekte máresine jetedi.