Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdiniń aldaǵy AО́SShK sammıtine qatysý úshin Astanaǵa jumys saparymen kelgen UQShU Bas hatshysy Stanıslav Zaspen kezdesýi ótti, dep habarlaıdy Egemen.kz vedomstvonyń baspasóz qyzmetine silteme jasap.
Suhbat barysynda UQShU jaýapkershilik aımaǵyndaǵy qazirgi jaǵdaı sóz boldy. Uıym sheńberindegi yntymaqtastyqtyń negizgi baǵyttary boıynsha keń aýqymdy máseleler talqylandy.
S.Zas Armenııa Respýblıkasynda 2022 jylǵy qarashada bolatyn UQShU Ujymdyq qaýipsizdik keńesiniń sessııasyna jáne Syrtqy ister mınıstrleri keńesiniń, Qorǵanys mınıstrleri keńesiniń jáne Qaýipsizdik keńesteri hatshylary komıtetiniń birlesken otyrysyna daıyndyq barysy týraly málimdedi.
M.Tileýberdi UQShU qyzmetiniń túrli aspektileri boıynsha Qazaqstannyń ustanymy týraly habardar etip, atalǵan halyqaralyq uıymnyń odan ári damýy týraly kózqarasymen bólisti.
UQShU 2002 jyly qurylǵan halyqaralyq óńirlik uıym. Onyń quramyna Qazaqstanmen qatar Armenııa, Belarýs, Qyrǵyzstan, Reseı jáne Tájikstan kiredi.