Qasym-Jomart Toqaev jumys saparymen Almaty oblysyna bardy, dep habarlaıdy Egemen.kz Prezıdenttiń baspasóz qyzmetine silteme jasap.
Dál qazir Memleket basshysy Qasym-Jomart Toqaevtyń Almaty oblysy jurtshylyǵymen kezdesýi ótip jatyr.
«Kórikti mekennen esimi el tarıhyna altyn árippen jazylǵan kóptegen tulǵalarymyz shyqqan. Bul – aq bilektiń kúshimen, aq naızanyń ushymen el qorǵaǵan Naýryzbaı, Raıymbek batyrlardyń dúnıege kelgen jeri. Bul – Súıinbaı men Jambyldaı aqyndardyń eli.
Nurǵısa Tilendıev, Muqaǵalı Maqataev, Tumanbaı Moldaǵalıev jáne Berdibek Soqpaqbaev bastaǵan tól mádenıetimizdiń birtýar tulǵalary da – osy óńirdiń perzentteri. Bir sózben aıtsaq, Almaty oblysy – elimiz úshin aıryqsha orny bar aımaq», dedi Prezıdent.