Búgin «Aýyl» halyqtyq-demokratııalyq partııasynan Qazaqstan Respýblıkasy Prezıdenttigine kandıdat Jıgýlı Daırabaevtyń respýblıkalyq shtaby ashyldy, dep habarlaıdy Egemen.kz.
Shtab basshysy Tóleýtaı Rahymbekovtiń aıtýynsha, Qazaqstannyń barlyq eldi mekenderin, atap aıtqanda 88 qalany, 30 eldi mekendi, barlyq 20 oblysta ornalasqan 6 myńnan astam aýyldyq eldi mekenderdi qamtý josparlanýda.
«Bizdiń kandıdat pen senimdi ókilderdiń saparlary «úıme-úı» formatynda ótedi. Barlyq is-sharalar ýaqytyly júrgiziledi», dedi Tóleýtaı Rahymbekov.
Onyń aıtýynsha, respýblıkanyń barlyq 20 oblysynda, onyń ishinde respýblıkalyq mańyzy bar úsh qalada kandıdat Jıgýlı Daırabaevty qoldaýǵa arnalǵan shtabtar jumys isteıdi. Oblystyq deńgeıdegi 164 aýyldyq okrýg pen 37 qalada 222 shtab quryldy. Qoǵamdyq shtabtar úgit-nasıhat jumystaryn júrgizýge qajettiniń bárimen qamtamasyz etilgen.