Qaraǵandy polıseıleri eki ınternet alaıaqty ustady, dep habarlaıdy Egemen.kz.
Qaraǵandy qalalyq polısııa bólimine 54 jastaǵy qala turǵyny habarlasyp ınternet-alaıaqtyqtyń qurbany bolǵanyn aıtty.
Belgisiz tulǵalar áleýmettik jeli arqyly aryzdanýshyǵa habarlasyp, nesıege taýardy tıimdi baǵamen satyp alýdy suraǵan. Alaıaqtar ózderin saýda admınıstratory retinde tanystyryp, usynylǵan taýarlardyń alýan túrin kórsetken. Bul jábirlenýshiniń qyzyǵýshylyǵyn týdyrǵan. Nátıjesinde, ınternet-alaıaqtar 790 myń teńge kólemindegi aqshany ıemdengen. Al aryzdanýshy birden polısııa bólimine habarlasqan.
Jedel izdestirý is-sharalary barysynda krımınaldyq polısııa qyzmetkerleri eki kúdiktini ustady. Olar 26 jáne 27 jastaǵy oblys turǵyndary bolyp shyqty. Tergeý barysynda qylmystaryn moıyndady.
Qazirgi tańda QR Qylmystyq kodeksiniń 190-baby «Alaıaqtyq» boıynsha sotqa deıingi tergeý amaldary júrgizilýde.