Qurylystyń bastapqy satysynda úleskerlerdiń aqshasyn qabyldaýǵa tıisti ruqsaty joq qurylys uıymdarynyń tizimi jasaldy, dep habarlaıdy Egemen.kz elorda ákimdiginiń resmı saıtyna silteme jasap.
Qoldanystaǵy zańnamany aınalyp ótip jasalǵan barlyq mámileler, atap aıtqanda aldyn ala brondaý sharty, rezervteý sharty, ınvestısııalaý sharty, talap etý quqyǵyn basqaǵa berý sharty tómende kórsetilgen kóppáterli turǵyn úı keshenderinde jaramsyz bolyp sanalady.
«Astana qalasynyń ákimdigi aqshańyzǵa abaı bolý kerektigin eskertedi jáne ruqsat qujattary joq turǵyn úılerdiń páterlerin satyp alýdy qoldamaıdy. Barlyq suraqtar boıynsha Astana qalasy, Saryarqa aýdany, Beıbitshilik k-si, 9 mekenjaıy boıynsha «Astana qalasynyń qalalyq orta sapasy jáne baqylaý basqarmasy» MM-ge habarlasýyńyzdy suraımyz», delingen ákimdik habarlamasynda.
Úleskerlerdiń qarajatyn tıisti ruqsatsyz qabyldaýǵa «Turǵyn úı qurylysyna úlestik qatysý týraly» Qazaqstan Respýblıkasynyń zańnamasymen tyıym salynady. Bul rette Qazaqstan Respýblıkasynyń Ákimshilik quqyq buzýshylyq týraly Kodeksiniń 320-baby, sondaı-aq Qazaqstan Respýblıkasy Qylmystyq kodeksiniń 214-baby boıynsha kásipkerlik qyzmettiń tyıym salynǵan túrlerimen aınalysqany úshin jaza qarastyrylǵan.